Part Of The Flyover Broken
ਬਨੂੜ ਵਿੱਚ ਫਲਾਈਓਵਰ ’ਤੇ ਸੀਮਿੰਟ ਦੀ ਪੱਟੀ ਦਾ ਵੱਡਾ ਹਿੱਸਾ ਟੁੱਟ ਕੇ ਡਿੱਗਆ,ਬਚਾਅ
* ਬਾਈਕ ਚਾਲਕ ਦਾ ਹਾਦਸੇ ‘ਚ ਬਚਾਅ
ਕੁਲਦੀਪ ਸਿੰਘ
ਇੰਡੀਆ ਨਿਊਜ਼ (ਮੋਹਾਲੀ)
ਜ਼ੀਰਕਪੁਰ-ਰਾਜਪੁਰਾ ਨੈਸ਼ਨਲ ਹਾਈਵੇਅ ‘ਤੇ ਰਾਤ ਕਰੀਬ 9 ਵਜੇ ਬਨੂੜ ਸਥਿਤ ਫਲਾਈਓਵਰ ਦੇ ਹੇਠਾਂ ਤੋਂ ਲੰਘਦੀ ਸੜਕ ‘ਤੇ ਹਾਦਸਾ ਵਾਪਰਿਆ। ਰਾਜਪੁਰਾ ਤੋਂ ਜ਼ੀਰਕਪੁਰ ਵਾਲੇ ਪਾਸੇ ਥਾਣਾ ਰੋਡ ਦੇ ਕੱਟੇ ਪ੍ਰਵੇਸ਼ ਦੁਆਰ ਦੇ ਕਿਨਾਰੇ ਕਰੀਬ 10 ਫੁੱਟ ਲੰਬੀ ਸੀਮਿੰਟ ਦੀ ਸਲੈਬ ਦਾ ਵੱਡਾ ਹਿੱਸਾ ਅਚਾਨਕ ਟੁੱਟ ਕੇ ਸੜਕ ’ਤੇ ਡਿੱਗ ਗਿਆ।
ਇੱਕ ਬਾਈਕ ਸਵਾਰ ਲੰਘ ਰਿਹਾ ਸੀ ਜਦੋਂ ਸਲੈਬ ਦੇ ਰੂਪ ਵਿੱਚ ਸੀਮਿੰਟ ਦਾ ਪੱਥਰ ਹੇਠਾਂ ਡਿੱਗ ਗਿਆ। ਹਾਦਸੇ ‘ਚ ਬਾਈਕ ਸਵਾਰ ਵਾਲ-ਵਾਲ ਬਚ ਗਏ। ਸੜਕ ’ਤੇ ਕੁਝ ਸਮੇਂ ਲਈ ਆਵਾਜਾਈ ਬੰਦ ਰਹੀ, ਲੋਕਾਂ ਨੇ ਸੀਮਿੰਟ ਦੇ ਪੱਥਰ ਨੂੰ ਸੜਕ ਤੋਂ ਚੁੱਕ ਕੇ ਸਾਈਡ ’ਤੇ ਕਰ ਦਿੱਤਾ। Part Of The Flyover Broken
ਪਹਿਲਾਂ ਹੋਇਆ ਸੀ ਹਾਦਸਾ
ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਬਨੂੜ ਵਿੱਚ ਫਲਾਈਓਵਰ ਤੋਂ ਸੀਮਿੰਟ ਦੀ ਪਟੜੀ ਡਿੱਗੀ ਹੋਵੇ। ਅਜਿਹੀ ਘਟਨਾ ਪਹਿਲਾਂ ਵੀ ਵਾਪਰ ਚੁੱਕੀ ਹੈ। ਲੋਕਾਂ ਨੇ ਦੱਸਿਆ ਕਿ ਸਵੀਟਸ ਦੀ ਦੁਕਾਨ ਦੇ ਸਾਹਮਣੇ ਦਿੱਤੇ ਗਏ ਕੱਟ ਦੇ ਕੋਲ ਸੀਮਿੰਟ ਦੀ ਪੱਟੀ ਦਾ ਇੱਕ ਹਿੱਸਾ ਟੁੱਟ ਕੇ ਹੇਠਾਂ ਡਿੱਗ ਗਿਆ ਸੀ। ਉਸ ਸਮੇਂ ਕਿਸੇ ਵੀ ਤਰ੍ਹਾਂ ਦੇ ਜਾਨੀ ਨੁਕਸਾਨ ਤੋਂ ਬਚਾਅ ਰਹਿਆ ਸੀ। Part Of The Flyover Broken
ਰੱਖ-ਰਖਾਅ ਲਈ ਐਗਰੀਮੈਂਟ ਨਹੀਂ ਹੋਇਆ
ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ ਨੇ ਨੈਸ਼ਨਲ ਹਾਈਵੇਅ ਟੋਲ ਰੋਡ ਦੇ ਰੱਖ-ਰਖਾਅ ਲਈ ਟੈਂਡਰ ਜਾਰੀ ਕਰ ਦਿੱਤਾ ਹੈ। ਜਾਣਕਾਰੀ ਅਨੁਸਾਰ ਜ਼ੀਰਕਪੁਰ ਤੋਂ ਰਾਜਪੁਰਾ ਨੈਸ਼ਨਲ ਹਾਈਵੇਅ ਦੇ ਰੱਖ-ਰਖਾਅ ਦਾ ਟੈਂਡਰ ਮਾਰਚ ਮਹੀਨੇ ਤੋਂ ਨਿਕਲ ਚੁੱਕਾ ਹੈ। ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ ਨੇ ਇਸ ਕੰਪਨੀ ਨੂੰ ਰੱਖ-ਰਖਾਅ ਲਈ ਕਰੀਬ 4 ਕਰੋੜ ਰੁਪਏ ਦਾ ਟੈਂਡਰ ਜਾਰੀ ਕੀਤਾ ਹੈ ਪਰ ਹੁਣ ਤੱਕ ਐਗਰੀਮੈਂਟ ‘ਤੇ ਦਸਤਖ਼ਤ ਨਹੀਂ ਹੋਏ | ਜਿਸ ਕਾਰਨ ਟੈਂਡਰ ਲੈਣ ਵਾਲੀ ਕੰਪਨੀ ਨੇ ਸੜਕ ਦੇ ਰੱਖ-ਰਖਾਅ ਦਾ ਕੰਮ ਨਹੀਂ ਲਿਆ ਹੈ। Part Of The Flyover Broken
ਮੌਕੇ ਦਾ ਜਾਇਜ਼ਾ ਲੈਣਗੇ
ਮੈਂ ਫਲਾਈਓਵਰ ਤੋਂ ਡਿੱਗੇ ਸੀਮਿੰਟ ਦੀ ਪੱਟੀ ਦੇ ਹਿੱਸੇ ਦੀਆਂ ਤਸਵੀਰਾਂ ਦੇਖੀਆਂ ਹਨ। ਪਰ ਫਿਰ ਵੀ ਮੌਕੇ ਦਾ ਜਾਇਜ਼ਾ ਲਿਆ ਜਾਵੇਗਾ। ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਕੰਪਨੀ ਨੂੰ ਐਗਰੀਮੈਂਟ ਲਈ ਬੁਲਾਇਆ ਹੈ। ਇਸ ਹਫਤੇ ਕੰਪਨੀ ਨਾਲ ਰੱਖ-ਰਖਾਅ ਦਾ ਐਗਰੀਮੈਂਟ ਸਹੀਬੰਦ ਕੀਤਾ ਜਾਵੇਗਾ। (ਅਭਿਸ਼ੇਕ ਇੰਜੀਨੀਅਰ,ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ, ਪਟਿਆਲਾ।) Part Of The Flyover Broken
Also Read :ਅਣਗਹਿਲੀ : ਫਲਾਈਓਵਰ ਦੀਆਂ ਸਲੈਬਾਂ ਵਿਚਕਾਰ ਉੱਗੀ ਝਾੜੀਆਂ Shrubs Between Flyover Slabs
Also Read :ਹਾਈਵੇਅ ਦਾ 4.18 ਕਰੋੜ ਦੇ ਰੱਖ-ਰਖਾਅ ਦਾ ਟੈਂਡਰ,ਐਗਰੀਮੈਂਟ ਨਾ ਹੋਣ ਕਾਰਨ ਐਂਬੂਲੈਂਸ ਦੀ ਸਹੂਲਤ ਬੰਦ
Connect With Us : Twitter Facebook
SHARE
