ਇੰਡੀਆ ਨਿਊਜ਼, ਕੀਵ ਨਿਊਜ਼ (Russia Ukraine war Update 11 July): ਰੂਸ-ਯੂਕਰੇਨ ਵਿੱਚ ਜੰਗ ਅਜੇ ਖਤਮ ਨਹੀਂ ਹੋਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੰਗ 24 ਫਰਵਰੀ 2022 ਨੂੰ ਸ਼ੁਰੂ ਹੋਈ ਸੀ| ਜੋ ਅਜੇ ਵੀ ਜਾਰੀ ਹੈ । ਇਸ ਦੌਰਾਨ ਰੂਸ ਤਾਜਾ ਹਮਲੇ ਕਰਦੇ ਹੋਏ ਪੂਰਬੀ ਯੂਕਰੇਨ ਦੇ ਡੋਨੇਟਸਕ ‘ਚ ਚਾਸੀਵ ਯਾਰ ਸ਼ਹਿਰ ਦੇ ਇਕ ਅਪਾਰਟਮੈਂਟ ਦੀ 5ਵੀਂ ਮੰਜ਼ਿਲ ‘ਤੇ ਤਿੰਨ ਮਿਜ਼ਾਈਲਾਂ ਦਾਗੀਆਂ। ਇਸ ਹਮਲੇ ‘ਚ 15 ਲੋਕਾਂ ਦੀ ਜਾਨ ਚਲੀ ਗਈ। ਮੀਡੀਆ ਰਿਪੋਰਟਾਂ ਮੁਤਾਬਕ ਮਲਬੇ ਹੇਠ 24 ਤੋਂ ਵੱਧ ਲੋਕਾਂ ਦੇ ਦੱਬੇ ਹੋਣ ਦੀ ਵੀ ਸੂਚਨਾ ਹੈ। ਇਸ ਦੇ ਨਾਲ ਹੀ ਯੂਕਰੇਨ ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਰਾਕੇਟ ਹਮਲਾ ਰੂਸ ਦੇ ਉਰਗਨ ਰਾਕੇਟ ਨਾਲ ਕੀਤਾ ਗਿਆ ਹੈ।
ਯੂਕਰੇਨ ਦਾ 22 ਫੀਸਦੀ ਖੇਤਰ ਰੂਸ ਦੇ ਕੰਟਰੋਲ ਹੇਠ
ਸੂਤਰਾਂ ਦੇ ਹਵਾਲੇ ਨਾਲ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਰੂਸ ਖਾਰਕਿਵ ਸ਼ਹਿਰ ਨੂੰ ਯੂਕਰੇਨ ਤੋਂ ਵੱਖ ਕਰਨਾ ਚਾਹੁੰਦਾ ਹੈ। ਧਿਆਨ ਰਹੇ ਕਿ ਖਾਰਕਿਵ ਸ਼ਹਿਰ ਦਾ 30 ਫੀਸਦੀ ਹਿੱਸਾ ਪਹਿਲਾਂ ਹੀ ਰੂਸ ਦੇ ਕਬਜ਼ੇ ਹੇਠ ਆ ਚੁੱਕਾ ਹੈ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੇ ਯੂਕਰੇਨ ਦੀ ਸੰਸਦ ਨੂੰ ਦੱਸਿਆ ਹੈ ਕਿ ਯੂਕਰੇਨ ਦਾ 22 ਫੀਸਦੀ ਖੇਤਰ ਰੂਸ ਦੇ ਕੰਟਰੋਲ ਹੇਠ ਹੈ। 24 ਫਰਵਰੀ ਤੋਂ, ਰੂਸ ਨੇ ਯੂਕਰੇਨ ਦੇ ਜ਼ਿਆਦਾਤਰ ਪੂਰਬੀ ਅਤੇ ਦੱਖਣੀ ਖੇਤਰਾਂ ਵਿੱਚ ਲੁਹਾਨਸਕ, ਡੋਨੇਟਸਕ, ਖੇਰਸਨ, ਮਾਰੀਉਪੋਲ ਆਦਿ ਪ੍ਰਮੁੱਖ ਸ਼ਹਿਰਾਂ ‘ਤੇ ਕਬਜ਼ਾ ਕਰ ਲਿਆ ਹੈ।
ਇਹ ਵੀ ਪੜ੍ਹੋ: ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਗੋਟਾਬਾਯਾ ਰਾਜਪਕਸ਼ੇ ਦੇਣਗੇ ਅਸਤੀਫਾ
ਸਾਡੇ ਨਾਲ ਜੁੜੋ : Twitter Facebook youtube
SHARE
