- ਵੱਖ-ਵੱਖ ਪੰਡਾਲਾਂ ਵਿੱਚ ਸ਼ਰਧਾਲੂਆਂ ਦੇ ਦਰਸ਼ਨ ਕੀਤੇ ਜਾ ਰਹੇ ਹਨ
ਦਿਨੇਸ਼ ਮੌਦਗਿਲ, Ganapati Mahotsav Celebration : ਪੰਜਾਬ ਭਰ ਵਿੱਚ ਗਣਪਤੀ ਮਹੋਤਸਵ ਬੜੀ ਧੂਮ ਧਾਮ ਨਾਲ ਸ਼ੁਰੂ ਹੋ ਗਿਆ ਹੈ l 31 ਅਗਸਤ ਤੋਂ 9 ਸਤੰਬਰ ਤੱਕ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਸ਼ਰਧਾਲੂ ਇਸ ਨੂੰ ਬੜੀ ਸ਼ਰਧਾ ਨਾਲ ਮਨਾ ਰਹੇ ਹਨ। ਪੰਜਾਬ ਭਰ ਵਿੱਚ ਇਸ ਤਿਉਹਾਰ ਲਈ ਸੈਂਕੜੇ ਪੰਡਾਲ ਬਣਾਏ ਗਏ ਹਨ।
ਇਸ ਤੋਂ ਇਲਾਵਾ ਵੱਖ-ਵੱਖ ਮੰਦਿਰਾਂ ਅਤੇ ਘਰਾਂ ‘ਚ ਸ਼ਰਧਾਲੂ ਇਹ ਤਿਉਹਾਰ ਸ਼ਰਧਾ ਨਾਲ ਮਨਾ ਰਹੇ ਹਨ l 31 ਅਗਸਤ ਦੀ ਰਾਤ ਨੂੰ ਵੱਖ-ਵੱਖ ਪੰਡਾਲਾਂ ਵਿੱਚ ਭਜਨ ਗਾਇਕਾਂ ਨੇ ਗਣਪਤੀ ਜੀ ਦਾ ਗੁਣਗਾਨ ਕੀਤਾ ਅਤੇ ਸ਼ਰਧਾਲੂ ਭਜਨਾਂ ‘ਤੇ ਨੱਚਦੇ ਨਜ਼ਰ ਆਏ। ਇਸੇ ਤਰ੍ਹਾਂ ਮਹਾਨਗਰ ਲੁਧਿਆਣਾ ਵਿੱਚ ਗਣਪਤੀ ਉਤਸਵ ਲਈ ਕਈ ਵੱਡੇ ਪੰਡਾਲ ਬਣਾਏ ਗਏ ਹਨ ਅਤੇ ਇਹ ਪੰਡਾਲ ਗਣਪਤੀ ਜੀ ਦੇ ਜੈਕਾਰਿਆਂ ਨਾਲ ਗੂੰਜ ਰਹੇ ਹਨ।
ਲੁਧਿਆਣਾ ਸ਼ਹਿਰ ਵਿੱਚ ਜਨਕਪੁਰੀ, ਹੈਬੋਵਾਲ, ਦਰੇਸੀ, ਜਮਾਲਪੁਰ ਆਦਿ ਇਲਾਕਿਆਂ ਵਿੱਚ ਗਣਪਤੀ ਤਿਉਹਾਰ ਲਈ ਪੰਡਾਲ ਲਗਾਏ ਗਏ। ਇਨ੍ਹਾਂ ਪੰਡਾਲਾਂ ਵਿਚ ਭਗਵਾਨ ਸ਼੍ਰੀ ਗਣਪਤੀ ਜੀ ਦੀਆਂ ਵੱਖ-ਵੱਖ ਆਕਰਸ਼ਕ ਮੂਰਤੀਆਂ ਸਥਾਪਿਤ ਕੀਤੀਆਂ ਗਈਆਂ ਹਨ ਅਤੇ ਇਨ੍ਹਾਂ ਪੰਡਾਲਾਂ ਵਿਚ ਇਕ ਤੋਂ ਵਧ ਕੇ ਇਕ ਆਕਰਸ਼ਕ ਸਜਾਵਟ ਕੀਤੀ ਗਈ ਹੈ।
ਪੰਜਾਬ ਵਿੱਚ ਗਣਪਤੀ ਤਿਉਹਾਰ 1992 ਵਿੱਚ ਸ਼ੁਰੂ ਹੋਇਆ ਸੀ ਅਤੇ ਸਾਬਕਾ ਵਿਧਾਇਕ ਸਵਰਗੀ ਹਰੀਸ਼ ਬੇਦੀ ਨੇ ਸਭ ਤੋਂ ਪਹਿਲਾਂ ਜਨਕਪੁਰੀ ਵਿੱਚ ਗਣਪਤੀ ਤਿਉਹਾਰ ਮਨਾਉਣਾ ਸ਼ੁਰੂ ਕੀਤਾ ਸੀ। ਉਸ ਤੋਂ ਬਾਅਦ ਹੌਲੀ-ਹੌਲੀ ਇਹ ਤਿਉਹਾਰ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਧੂਮ-ਧਾਮ ਨਾਲ ਮਨਾਇਆ ਜਾਣ ਲੱਗਾ ਅਤੇ ਅੱਜ ਲੁਧਿਆਣਾ ਵਿੱਚ ਹੀ ਇਸ ਤਿਉਹਾਰ ਲਈ ਵੱਖ-ਵੱਖ ਸੰਸਥਾਵਾਂ ਵੱਲੋਂ ਦਰਜਨਾਂ ਪੰਡਾਲ ਲਾਏ ਗਏ ਹਨ।
ਸ਼ਰਧਾਲੂ ਭਗਵਾਨ ਗਣਪਤੀ ਜੀ ਨੂੰ ਕਈ ਕਿੱਲੋ ਦੇ ਹਿਸਾਬ ਨਾਲ ਲੱਡੂ, ਚੱਪਣ ਭੋਗ ਅਤੇ ਹੋਰ ਪ੍ਰਕਾਰ ਦਾ ਪ੍ਰਸ਼ਾਦ ਚੜ੍ਹਾਉਂਦੇ ਹਨ। ਇਸੇ ਤਰ੍ਹਾਂ ਸ਼ਰਧਾਲੂ ਆਪਣੇ ਘਰਾਂ ਵਿਚ ਗਣਪਤੀ ਜੀ ਦੀ ਪੂਜਾ ਬੜੀ ਸ਼ਰਧਾ ਨਾਲ ਕਰਦੇ ਹਨ। ਤਿਉਹਾਰ ਦੇ ਆਖਰੀ ਦਿਨ ਮੂਰਤੀ ਜਲ ਵਿਸਰਜਨ ਕੀਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ: ਨਰਮੇਂ ‘ਤੇ ਆੜਤ 1 ਫੀਸਦ ਕੀਤੀ ਜਾਵੇਗੀ : ਧਾਲੀਵਾਲ
ਸਾਡੇ ਨਾਲ ਜੁੜੋ : Twitter Facebook youtube
SHARE
