India News (ਇੰਡੀਆ ਨਿਊਜ਼), Absconded With The Car, ਚੰਡੀਗੜ੍ਹ : ਕਾਰ ਬਾਜ਼ਾਰ ਵਿੱਚ ਕਾਰ ਖਰੀਦਣ ਆਇਆ ਇੱਕ ਠੱਗ ਟੋਲਾ ਕਾਰ ਦੀ ਟਰਾਈ ਲੈਣ ਦੇ ਬਹਾਨੇ ਕਾਰ ਚੋਰੀ ਕਰਕੇ ਰਫੂ ਚੱਕਰ ਹੋ ਗਿਆ। ਘਟਨਾ ਸਬੰਧੀ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਹੈ। ਮਾਮਲੇ ਨੂੰ ਲੈ ਕੇ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮਾਮਲਾ ਮਲੇਰਕੋਟਲਾ ਕਾਰ ਬਾਜ਼ਾਰ ਤੋਂ ਸਾਹਮਣੇ ਆਇਆ ਹੈ।
ਫੀਗੋ ਕਾਰ ਵਿੱਚ ਆਇਆ ਠੱਗ ਗਿਰੋਹ
ਮਲੇਰਕੋਟਲਾ ਦੇ ਰਹਿਣ ਵਾਲੇ ਇਮਰਾਨ ਨੇ ਦੱਸਿਆ ਕਿ ਕਾਰ ਬਾਜ਼ਾਰ ਵਿੱਚ ਹਾਜੀ ਕਾਰ ਨਾਮ ਦੀ ਦੁਕਾਨ ਹੈ। ਜਿੱਥੇ ਕਾਰਾਂ ਵੇਚਣ ਅਤੇ ਖਰੀਦਣ ਦਾ ਕੰਮ ਕੀਤਾ ਜਾਂਦਾ ਹੈ। ਆਈਟੀਆਈ ਚੌਂਕ ਨਾਭਾ ਰੋਡ ਤੇ ਸਵੇਰੇ ਜਦੋਂ ਕਾਰ ਬਾਜ਼ਾਰ ਵਿੱਚ ਕੰਮ ਕਰ ਰਹੇ ਸੀ ਤਾਂ ਕੁਝ ਵਿਅਕਤੀ ਫੀਗੋ ਕਾਰ ਵਿੱਚ ਦੁਕਾਨ ਤੇ ਆਏ, ਉਹਨਾਂ ਨੇ ਕਾਰ ਖਰੀਦਣ ਦੀ ਗੱਲ ਕੀਤੀ। ਸਫ਼ੈਦ ਰੰਗ ਦੀ ਡਿਜ਼ਾਇਰ ਕਾਰ (PB 13 BF 0518) ਕਥਿਤ ਠੱਗ ਵਿਅਕਤੀਆਂ ਨੂੰ ਪਸੰਦ ਆਈ ਅਤੇ ਕਾਰ ਦੀ ਟਰਾਈ ਲੈਣ ਦੇ ਬਹਾਨੇ ਕਾਰ ਲੈ ਕੇ ਰਫੂ ਚੱਕਰ ਹੋ ਗਏ।
ਪਟਿਆਲਾ ਸਾਈਡ ਨੂੰ ਹੋਏ ਫਰਾਰ
ਇਮਰਾਨ ਨੇ ਦੱਸਿਆ ਕਿ ਕਥਿਤ ਠੱਗ ਵਿਅਕਤੀਆਂ ਦਾ ਪਿੱਛਾ ਕੀਤਾ ਗਿਆ ਲੇਕਿਨ ਉਹ ਪਟਿਆਲਾ ਸਾਈਡ ਕਾਰ ਲੈ ਕੇ ਫਰਾਰ ਹੋ ਗਏ। ਉਹਨੇ ਦੱਸਿਆ ਇੱਕ ਵਜੇ ਦੇ ਕਰੀਬ ਮੁਹਰਾਨਾ ਟੋਲ ਪਲਾਜਾ ਤੇ ਕਾਰ ਕਰੋਸ ਹੋਈ ਸੀ। ਘਟਨਾ ਸਬੰਧੀ ਪੁਲਿਸ ਥਾਣਾ ਅਮਰਗੜ੍ਹ ਨੂੰ ਸੂਚਿਤ ਕੀਤਾ ਗਿਆ ਹੈ।
SHARE
