India News (ਇੰਡੀਆ ਨਿਊਜ਼),Foundation Day Celebrated, ਚੰਡੀਗੜ੍ਹ : ਅਲਾਇੰਸ ਇੰਟਰਨੈਸ਼ਨਲ ਸਕੂਲ, ਬਨੂੰੜ, ਨੇ 15 ਅਪ੍ਰੈਲ ਨੂੰ ਆਪਣਾ ਸਥਾਪਨਾ ਦਿਵਸ ਬੜੇ ਜੋਸ਼ ਅਤੇ ਉਤਸ਼ਾਹ ਨਾਲ ਮਨਾਇਆ। ਸਮਾਰੋਹ ਦੀ ਸ਼ੁਰੂਆਤ ਇੱਕ ਸ਼ੁਭ ਰਸਮ ਨਾਲ ਹੋਈ, ਜਿਸ ਵਿੱਚ ਮਾਣਯੋਗ ਪਤਵੰਤੇ ਸੱਜਣਾਂ, ਫੈਕਲਟੀ ਮੈਂਬਰਾਂ, ਵਿਦਿਆਰਥੀਆਂ ਅਤੇ ਮਾਪਿਆਂ ਨੇ ਸ਼ਿਰਕਤ ਕੀਤੀ। ਸਕੂਲ ਦੀ ਪ੍ਰਿੰਸੀਪਲ ਸ਼ਾਲਿਨੀ ਖੁੱਲਰ ਨੇ ਸਕੂਲ ਦੀ ਤਰੱਕੀ ਦੇ ਸਫ਼ਰ ਅਤੇ ਅਕਾਦਮਿਕ ਉੱਚ ਪੱਧਰੀ ਗੁਣਵੱਤਾ ਪ੍ਰਤੀ ਸਕੂਲ ਦੀ ਅਟੁੱਟ ਵਚਨਬੱਧਤਾ ਨੂੰ ਉਜਾਗਰ ਕਰਦੇ ਹੋਏ ਭਾਸ਼ਣ ਦਿੱਤਾ। ਜਿਸ ਵਿੱਚ ਮੈਨੇਜਮੈਂਟ ਦੀ ਭੂਮਿਕਾ ਅਤੇ ਬੱਚਿਆਂ ਦੁਆਰਾ ਖੇਡਾਂ ਤੇ ਪੜਾਈ ਵਿੱਚ ਯੋਗਦਾਨ ਪਾਉਣ ਬਾਰੇ ਦੱਸਿਆ।
ਵਿਭਿੰਨ ਪ੍ਰਤਿਭਾਵਾਂ ਦਾ ਪ੍ਰਦਰਸ਼ਨ
ਬੱਚਿਆਂ ਦੁਆਰਾ ਨਾਚ, ਸੰਗੀਤ ਅਤੇ ਨਾਟਕ ਸਮੇਤ ਬਹੁਤ ਸਾਰੀਆਂ ਸੱਭਿਆਚਾਰਕ ਪੇਸ਼ਕਾਰੀਆਂ ਨੇ ਦਰਸ਼ਕਾਂ ਨੂੰ ਮੋਹ ਲਿਆ ਅਤੇ ਸਕੂਲ ਦੇ ਵਿਦਿਆਰਥੀਆਂ ਦੀਆਂ ਵਿਭਿੰਨ ਪ੍ਰਤਿਭਾਵਾਂ ਦਾ ਪ੍ਰਦਰਸ਼ਨ ਕੀਤਾ। ਪੂਰੇ ਕੈਂਪਸ ਵਿੱਚ ਉਤਸ਼ਾਹ, ਖੁਸ਼ੀ ਅਤੇ ਮੇਲ-ਮਿਲਾਪ ਦਾ ਮਾਹੌਲ ਬਣ ਗਿਆ। ਇਸ ਮੌਕੇ ਮੈਨੇਜਮੈਂਟ ਮੈਂਬਰ ਅਸ਼ਵਨੀ ਗਰਗ, ਚੇਅਰਮੈਨ ਐਸ.ਵੀ.ਜੀ.ਓ.ਆਈ., ਅਸ਼ੋਕ ਗਰਗ, ਪ੍ਰੈਜ਼ੀਡੈਂਟ ਐਸ.ਵੀ.ਜੀ.ਓ.ਆਈ, ਵਿਸ਼ਾਲ ਗਰਗ (ਡਾਇਰੈਕਟਰ ਸਕੱਤਰ), ਅੰਕੁਰ ਗੁਪਤਾ, (ਐਮ.ਡੀ.), ਸਾਹਿਲ ਗਰਗ, (ਅਕਾਦਮਿਕ ਡਾਇਰੈਕਟਰ) ਸ਼ੁਭਮ ਗਰਗ (ਮੈਨੇਜਮੈਂਟ ਮੈਂਬਰ) ਵੀ ਹਾਜ਼ਰ ਸਨ।
ਚੇਅਰਮੈਨ ਅਸ਼ਵਨੀ ਗਰਗ ਅਤੇ ਪ੍ਰੈਜ਼ੀਡੈਂਟ ਅਸ਼ੋਕ ਗਰਗ ਨੇ ਸਕੂਲ ਦੀਆਂ ਪ੍ਰਾਪਤੀਆਂ ਤੇ ਪ੍ਰਿੰਸੀਪਲ, ਬੱਚੇ ਤੇ ਸਟਾਫ਼ ਨੂੰ ਵਧਾਈ ਦਿੱਤੀ ਅਤੇ ਸ਼ੁੱਭ ਕਾਮਨਾਵਾਂ ਦਿੱਤੀਆਂ।ਸ਼ਾਲਿਨੀ ਖੁੱਲਰ ਪਿ੍ੰਸੀਪਲ ਨੇ ਸਾਰੇ ਮਾਪਿਆਂ, ਵਿਦਿਆਰਥੀਆਂ ਦਾ ਸਥਾਪਨਾ ਦਿਵਸ ਤੇ ਪਹੁਚੰਣ ਤੇ ਧੰਨਵਾਦ ਕੀਤਾ। Foundation Day Celebrated
SHARE
