Cricketer Rituraj Gaikwad Marriage : ਚੇਨਈ ਨੂੰ ਚੈਂਪੀਅਨ ਬਣਾਉਣ ਵਾਲੇ ਧਮਾਕੇਦਾਰ ਸਲਾਮੀ ਬੱਲੇਬਾਜ਼ ਰਿਤੂਰਾਜ ਗਾਇਕਵਾੜ ਨੇ ਵਿਆਹ ਕਰਵਾ ਲਿਆ। ਗਾਇਕਵਾੜ ਨੇ ਸ਼ਨੀਵਾਰ ਰਾਤ ਮਹਾਰਾਸ਼ਟਰ ਦੀ ਕ੍ਰਿਕਟਰ ਉਤਕਰਸ਼ਾ ਪਵਾਰ ਨਾਲ 7 ਫੇਰੇ ਲਏ। ਰਿਤੂਰਾਜ ਅਤੇ ਉਤਕਰਸ਼ਾ ਦੇ ਵਿਆਹ ਦੀਆਂ ਰਸਮਾਂ ਮਹਾਬਲੇਸ਼ਵਰ ਵਿੱਚ ਹੋਈਆਂ।
ਰਿਤੂਰਾਜ ਇਸ ਸਾਲ ਵਿਆਹ ਕਰਨ ਵਾਲੇ 5ਵੇਂ ਭਾਰਤੀ ਕ੍ਰਿਕਟਰ ਹਨ। ਇਸ ਤੋਂ ਪਹਿਲਾਂ ਸ਼ਾਰਦੁਲ ਠਾਕੁਰ, ਹਾਰਦਿਕ ਪੰਡਯਾ, ਅਕਸ਼ਰ ਪਟੇਲ ਅਤੇ ਕੇਐਲ ਰਾਹੁਲ ਵੀ ਵਿਆਹ ਕਰਵਾ ਚੁੱਕੇ ਹਨ।
ਰਿਤੂਰਾਜ ਨੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ। ਰਿਤੂਰਾਜ ਦੀ ਪਤਨੀ ਉਤਕਰਸ਼ਾ ਸੱਜੇ ਹੱਥ ਨਾਲ ਗੇਂਦਬਾਜ਼ੀ ਅਤੇ ਬੱਲੇਬਾਜ਼ੀ ਕਰਦੀ ਹੈ। ਉਸਨੇ ਨਵੰਬਰ 2021 ਵਿੱਚ ਸੀਨੀਅਰ ਮਹਿਲਾ ਇੱਕ ਰੋਜ਼ਾ ਟਰਾਫੀ ਵਿੱਚ ਪੰਜਾਬ ਵਿਰੁੱਧ ਆਪਣਾ ਆਖਰੀ ਮੈਚ ਖੇਡਿਆ ਸੀ।
24 ਸਾਲ ਦੀ ਉਤਕਰਸ਼ਾ ਦਾ ਜਨਮ 13 ਅਕਤੂਬਰ 1998 ਨੂੰ ਹੋਇਆ ਸੀ। ਉਹ ਵਰਤਮਾਨ ਵਿੱਚ ਇੰਸਟੀਚਿਊਟ ਆਫ ਨਿਊਟ੍ਰੀਸ਼ਨ ਐਂਡ ਫਿਟਨੈਸ ਸਾਇੰਸਿਜ਼, ਪੁਣੇ ਵਿੱਚ ਪੜ੍ਹ ਰਹੀ ਹੈ। ਰਿਤੁਰਾਜ ਨੇ ਵਿਆਹ ਲਈ ਟੀਮ ਇੰਡੀਆ ਤੋਂ ਛੁੱਟੀ ਲੈ ਲਈ ਸੀ। ਉਸ ਨੂੰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ ਲਈ ਸਟੈਂਡਬਾਏ ਖਿਡਾਰੀ ਵਜੋਂ ਚੁਣਿਆ ਗਿਆ ਸੀ, ਪਰ ਉਸ ਨੇ ਆਪਣਾ ਨਾਂ ਵਾਪਸ ਲੈ ਲਿਆ।
ਰਿਤੂਰਾਜ ਦੀ ਜਗ੍ਹਾ ਯਸ਼ਸਵੀ ਜੈਸਵਾਲ ਟੀਮ ਇੰਡੀਆ ‘ਚ ਸ਼ਾਮਲ ਹੋਏ। ਰਿਤੁਰਾਜ ਅਤੇ ਉਤਕਰਸ਼ਾ ਨੂੰ IPL ਫਾਈਨਲ ਤੋਂ ਬਾਅਦ ਇਕੱਠੇ ਦੇਖਿਆ ਗਿਆ ਸੀ। ਉਤਕਰਸ਼ਾ ਨੇ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ ਪੈਰ ਵੀ ਛੂਹੇ। ਰਿਤੁਰਾਜ ਅਤੇ ਉਤਕਰਸ਼ਾ ਦਾ ਵਿਆਹ ਮਹਾਬਲੇਸ਼ਵਰ ਵਿੱਚ ਹੋਇਆ।
Also Read : ਅੰਮ੍ਰਿਤਸਰ ‘ਚ ਨਿਹੰਗਾਂ ਤੇ ਪੁਲਿਸ ‘ਚ ਝੜਪ, ਬੈਕਅੱਪ ਆਉਣ ‘ਤੇ ਫਰਾਰ, 20 ‘ਤੇ ਮਾਮਲਾ ਦਰਜ
Also Read : ਲੁਧਿਆਣਾ ‘ਚ ASI ਰਿਸ਼ਵਤ ਲੈਂਦਾ ਫੜਿਆ ਗਿਆ, ਕੈਮਰੇ ਦੇ ਸਾਹਮਣੇ ਲੀਤੇ 1500 ਰੁਪਏ, ਸਸਪੈਂਡ
Also Read : ਫਾਜ਼ਿਲਕਾ ਪੁਲਿਸ ਨੂੰ ਵੱਡੀ ਕਾਮਯਾਬੀ, 40 ਕਰੋੜ ਦੀ ਹੈਰੋਇਨ ਬਰਾਮਦ, 2 ਨਸ਼ਾ ਤਸਕਰ ਕਾਬੂ
SHARE
