Fire Broke The Shop
ਕੱਪੜਿਆਂ ਦੀ ਦੁਕਾਨ ਨੂੰ ਲੱਗੀ ਅੱਗ, 10 ਲੱਖ ਦਾ ਨੁਕਸਾਨ
-
ਅੱਗ ‘ਤੇ ਕਾਬੂ ਪਾਉਣ ਲਈ ਫਾਇਰ ਬ੍ਰਿਗੇਡ ਦੀਆਂ ਦੋ ਗੱਡੀਆਂ ਨੂੰ 4 ਘੰਟੇ ਦਾ ਸਮਾਂ ਲੱਗਾ।
ਕੁਲਦੀਪ ਸਿੰਘ
ਇੰਡੀਆ ਨਿਊਜ਼ (ਮੋਹਾਲੀ) ਬਨੂੜ ਮਾਰਕੀਟ ਸਥਿਤ ਕਾਲਰਾ ਕਲਾਥ ਹਾਊਸ ਨਾਮ ਦੀ ਦੁਕਾਨ ਨੂੰ ਸ਼ੁੱਕਰਵਾਰ ਰਾਤ 9 ਵਜੇ ਅਚਾਨਕ ਅੱਗ ਲੱਗ ਗਈ। ਦੁਕਾਨਦਾਰਾਂ ਨੇ ਅੱਗ ਲੱਗਣ ਦੀ ਸੂਚਨਾ ਥਾਣਾ ਬਨੂੜ ਅਤੇ ਫਾਇਰ ਬ੍ਰਿਗੇਡ ਰਾਜਪੁਰਾ ਅਤੇ ਜ਼ੀਰਕਪੁਰ ਨੂੰ ਦਿੱਤੀ। ਫਾਇਰ ਬ੍ਰਿਗੇਡ ਦੀਆਂ ਦੋ ਗੱਡੀਆਂ ਨੇ ਮੌਕੇ ‘ਤੇ ਪਹੁੰਚ ਕੇ ਕਰੀਬ 4 ਘੰਟੇ ਦੀ ਮੁਸ਼ੱਕਤ ਨਾਲ ਅੱਗ ‘ਤੇ ਕਾਬੂ ਪਾਇਆ। ਇਸ ਘਟਨਾ ਵਿੱਚ ਦੁਕਾਨ ਅੰਦਰ ਰੱਖੇ ਕੱਪੜੇ ਦੇ ਸਮਾਨ ਨੂੰ ਅੱਗ ਲੱਗਣ ਕਾਰਨ ਦੁਕਾਨਦਾਰ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। Fire Broke The Shop
7 ਵਜੇ ਦੁਕਾਨ ਬੰਦ
ਦੁਕਾਨਦਾਰ ਪ੍ਰਮਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਅੰਬਾਲਾ ਦੇ ਪਿੰਡ ਘੇਲ ਵਿੱਚ ਰਹਿੰਦਾ ਹੈ। ਦੇਰ ਸ਼ਾਮ 7 ਵਜੇ ਦੁਕਾਨ ਬੰਦ ਕਰਕੇ ਘਰ ਚਲਾ ਗਿਆ ਸੀ। ਉਸ ਰਾਤ ਕਰੀਬ 9 ਵਜੇ ਮੈਨੂੰ ਗੁਆਂਢੀ ਵੱਲੋਂ ਦੁਕਾਨ ਨੂੰ ਅੱਗ ਲੱਗਣ ਦਾ ਫੋਨ ਆਇਆ। ਝੱਟ ਘਰੋਂ ਪਰਤਿਆ ਤੇ ਬਨੂੜ ਦੀ ਦੁਕਾਨ ’ਤੇ ਪਹੁੰਚ ਗਿਆ। ਲੋਕਾਂ ਦੀ ਭੀੜ ਅਤੇ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਦੁਕਾਨ ਵਿੱਚ ਲੱਗੀ ਅੱਗ ’ਤੇ ਕਾਬੂ ਪਾਉਣ ਵਿੱਚ ਜੁਟੀਆਂ ਹੋਈਆਂ ਸਨ। ਪ੍ਰਮਿੰਦਰ ਨੇ ਦੱਸਿਆ ਕਿ ਪਹਿਲਾਂ ਗੁੱਗਾ ਬਨੂੜ ਦੇ ਮਾੜੀ ਚੱਕ ਵਿਖੇ ਦੁਕਾਨ ਚਲਾ ਰਿਹਾ ਸੀ। ਕਰੀਬ 3 ਮਹੀਨੇ ਪਹਿਲਾਂ ਦੁਕਾਨ ਬਦਲੀ ਗਈ ਸੀ। Fire Broke The Shop
10 ਲੱਖ ਦਾ ਨੁਕਸਾਨ
ਪੀੜਤ ਦੁਕਾਨਦਾਰ ਪ੍ਰਮਿੰਦਰ ਸਿੰਘ ਨੇ ਦੱਸਿਆ ਕਿ ਦੁਕਾਨ ਵਿੱਚ ਰੱਖੇ ਸਾਰੇ ਕੱਪੜੇ ਸੜ ਗਏ ਹਨ। ਅੱਗ ਬਿਜਲੀ ਦੇ ਸ਼ਾਰਟ ਸਰਕਟ ਕਾਰਨ ਲੱਗੀ ਹੋ ਸਕਦੀ ਹੈ। ਕਰੀਬ 10 ਲੱਖ ਦਾ ਨੁਕਸਾਨ ਹੋਇਆ ਹੈ। ਪ੍ਰਮਿੰਦਰ ਸਿੰਘ ਨੇ ਦੱਸਿਆ ਕਿ ਦੁਕਾਨ ਦੇ ਪਿੱਛੇ ਦੁਕਾਨ ਮਾਲਕਾਂ ਦਾ ਘਰ ਹੈ। ਦੁਕਾਨ ਦਾ ਦਰਵਾਜ਼ਾ ਪਿਛਲੇ ਪਾਸੇ ਬਾਹਰ ਨਿਕਲਦਾ ਹੈ ਅਤੇ ਸਟੋਰ ਰੂਮ ਨੇੜੇ ਹੀ ਹੈ। ਅੱਗ ਸਟੋਰ ਰੂਮ ਤੱਕ ਪਹੁੰਚ ਸਕਦੀ ਸੀ। ਸਟੋਰ ਵਿੱਚ ਰੱਖੇ ਸਾਮਾਨ ਨੂੰ ਕੱਢਣਾ ਪਿਆ। Fire Broke The Shop
ਵਿਓਪਰ ਮੰਡਲ ਨੇ ਦੁਕਾਨਦਾਰਾਂ ਤੋਂ ਸਹਿਯੋਗ ਮੰਗਿਆ
ਵਿਓਪਾਰ ਮੰਡਲ ਬਨੂੜ ਦੇ ਪ੍ਰਧਾਨ ਜਗਦੀਸ਼ ਚੰਦ ਕਾਲਾ, ਸਕੱਤਰ ਜੀਵਨ ਕੁਮਾਰ, ਚੇਅਰਮੈਨ ਹਰਪਾਲ ਸਿੰਘ, ਸ਼ੁਭਮ ਜੈਨ ਅਤੇ ਪ੍ਰਤੀਕ ਬਾਂਸਲ ਨੇ ਦੱਸਿਆ ਕਿ ਪੀੜਤ ਦੁਕਾਨਦਾਰ ਦੀ ਆਰਥਿਕ ਹਾਲਤ ਨੂੰ ਦੇਖਦੇ ਹੋਏ ਮਾਰਕੀਟ ਦੇ ਦੁਕਾਨਦਾਰਾਂ ਨੂੰ ਸਹਿਯੋਗ ਦੀ ਅਪੀਲ ਕੀਤੀ ਗਈ ਹੈ। ਵਪਾਰ ਮੰਡਲ ਦੀ ਤਰਫੋਂ ਬਜ਼ਾਰ ਤੋਂ ਉਗਰਾਹੀ ਕਰਦੇ ਹੋਏ 1 ਲੱਖ 7 ਹਜ਼ਾਰ ਦੀ ਰਾਸ਼ੀ ਪੀੜਤ ਦੁਕਾਨਦਾਰ ਨੂੰ ਸੌਂਪੀ ਗਈ ਹੈ। ਜੀਵਨ ਕੁਮਾਰ ਨੇ ਦੱਸਿਆ ਕਿ ਦੁਕਾਨਦਾਰ ਦਾ ਬੈਂਕ ਖਾਤਾ ਯੂਕੋ ਬੈਂਕ-31250510000885 ਹੈ। ਸਮਾਜ ਸੇਵੀ ਸੰਸਥਾਵਾਂ ਨੂੰ ਆਰਥਿਕ ਮਦਦ ਲਈ ਅੱਗੇ ਆਉਣਾ ਚਾਹੀਦਾ ਹੈ। Fire Broke The Shop
Also Read :ਟਰੱਕ ਯੂਨੀਅਨ ਬਨੂੜ ਨੇ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਦੀ ਸਹੁੰ ਚੁੱਕੀ Follow Traffic Rules
Also Read :ਨਗਰ ਕੌਂਸਲ NOC ਮਾਮਲੇ ਵਿੱਚ ਭਾਜਪਾ ਆਗੂ ਦਾ ਵੱਡਾ ਖੁਲਾਸਾ NOC Matter
Also Read :ਬੂਟਾ ਸਿੰਘ ਵਾਲਾ ਸਕੂਲ ਦੀਆਂ ਤਿੰਨ ਵਿਦਿਆਰਥਣਾਂ ਨੇ ਮਾਰੀ ਮੱਲ Buta Singh Wala School
Connect With Us : Twitter Facebook
SHARE
