India News (ਇੰਡੀਆ ਨਿਊਜ਼), Patiala Jail, ਚੰਡੀਗੜ੍ਹ : ਪੰਜਾਬ ਦੀਆਂ ਜੇਲਾਂ ਅਕਸਰ ਚਰਚਾ ਦੇ ਵਿੱਚ ਰਹਿੰਦੀਆਂ ਹਨ। ਭਾਵੇਂ ਜੇਲ੍ਹਾਂ ਦੇ ਵਿੱਚ ਨਸ਼ਾ ਸਪਲਾਈ ਕਰਨ ਦਾ ਮਾਮਲਾ ਹੋਵੇ ਜਾਂ ਫਿਰ ਮੋਬਾਈਲ ਫੋਨ ਬਰਾਮਦ ਕੀਤੇ ਜਾਣ ਦਾ ਮਾਮਲਾ ਹੋਵੇ। ਤਾਜ਼ਾ ਘਟਨਾ ਪਟਿਆਲਾ ਜੇਲ ਤੋਂ ਸਾਹਮਣੇ ਆ ਰਹੀ ਹੈ, ਜਿੱਥੇ ਜੇਲ ਦੇ ਵਿੱਚ ਦੋ ਕੈਦੀ ਗੁੱਟ ਆਪਸ ਦੇ ਵਿੱਚ ਭਿੜ ਗਏ ਹਨ। ਆਪਸੀ ਤਕਰਾਰ ਦੌਰਾਨ ਕੈਦੀ ਨੂੰ ਚੋਟ ਵੀ ਪਹੁੰਚੀ ਹੈ, ਜਿਸ ਨੂੰ ਇਲਾਜ ਲਈ ਰਜਿੰਦਰ ਹਸਪਤਾਲ ਭਰਤੀ ਕਰਾਇਆ ਗਿਆ ਹੈ।
ਜੇਲ ਪ੍ਰਸ਼ਾਸਨ ਵੱਲੋਂ ਪੁਲਿਸ ਨੂੰ ਦਿੱਤੀ ਗਈ ਸੂਚਨਾ
ਆਪਸ ਵਿੱਚ ਭਿੜ ਰਹੇ ਕੈਦੀਆਂ ਨੂੰ ਹਟਾਉਣ ਲਈ ਜਦੋਂ ਜੇਲ ਵਾਰਡਨ ਵਿੱਚ ਆਏ ਤਾਂ ਉਹ ਵੀ ਜ਼ਖਮੀ ਹੋ ਗਏ। ਕੁਝ ਹੋਰ ਜਖਮੀ ਕੈਦੀਆਂ ਬਾਰੇ ਵੀ ਸੂਚਨਾ ਮਿਲ ਰਹੀ ਹੈ। ਪਤਾ ਲੱਗਿਆ ਹੈ ਕਿ ਕੈਦੀਆਂ ਵੱਲੋਂ ਆਪਸੀ ਤਕਰਾਰ ਦੌਰਾਨ ਨੌਕੀਲੀ ਚੀਜ਼ ਦਾ ਇਸਤੇਮਾਲ ਕੀਤਾ ਗਿਆ। ਜਿਸ ਕਾਰਨ ਕੈਦੀ ਜਖਮੀ ਹੋ ਗਏ ਤੇ ਰਜਿੰਦਰ ਹਸਪਤਾਲ ਦੇ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਦੂਜੇ ਪਾਸੇ ਜੇਲ ਪ੍ਰਸ਼ਾਸਨ ਵੱਲੋਂ ਘਟਨਾ ਨੂੰ ਲੈ ਕੇ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ ਹੈ। ਪਟਿਆਲਾ ਤਿਰਪੜੀ ਇਲਾਕੇ ਦੇ ਥਾਣੇ ਵੱਲੋਂ ਘਟਨਾ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ :Punjab Police : ਪੰਜਾਬ ਪੁਲਿਸ ਨੇ ”ਝੂਠੇ ਪੁਲਿਸ ਮੁਕਾਬਲੇ ਦਾ ਸੱਚ” ਕਬੂਲਣ ਨੂੰ ਲਗਾਏ 25 ਸਾਲ
SHARE
