ਦਿਨੇਸ਼ ਮੌਦਗਿਲ, Pollywood news: ਮਾਡਲ ਅਤੇ ਪੰਜਾਬੀ ਫ਼ਿਲਮਾਂ ਦੀ ਅਦਾਕਾਰਾ ਜਪਜੀ ਖਹਿਰਾ ਖ਼ੂਬਸੂਰਤ ਅੰਦਾਜ਼ ਵਿੱਚ ਨਜ਼ਰ ਆਈ। ਉਹ ਆਪਣੀ ਫਿਲਮ ਡਾਕੂਆਂ ਦਾ ਮੁੰਡਾ 2 ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ। ਪੰਜਾਬ ਵਿੱਚ ਜਨਮੀ ਭਾਰਤੀ ਆਸਟ੍ਰੇਲੀਅਨ ਅਦਾਕਾਰਾ ਜਪਜੀ ਦਾ ਪੰਜਾਬੀ ਸਿਨੇਮਾ ਵਿੱਚ ਇੱਕ ਵੱਖਰਾ ਨਾਮ ਹੈ। 2006 ਵਿੱਚ, ਉਸਨੇ ਮਿਸ ਵਰਲਡ ਪੰਜਾਬਣ ਦਾ ਖਿਤਾਬ ਜਿੱਤਿਆ। ਇਸ ਤੋਂ ਇਲਾਵਾ ਉਹ ਮਾਡਲਿੰਗ ਮੁਕਾਬਲਿਆਂ ਦੇ ਕਈ ਖਿਤਾਬ ਵੀ ਜਿੱਤ ਚੁੱਕੀ ਹੈ। ਸਾਲ 2007 ਵਿੱਚ, ਉਸਨੇ ਹਰਭਜਨ ਮਾਨ ਨਾਲ ਮਿੱਟੀ ਵਾਜਾਂ ਮਾਰਦੀ ਫਿਲਮ ਨਾਲ ਆਪਣੀ ਸ਼ੁਰੂਆਤ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਈ ਪੰਜਾਬੀ ਫਿਲਮਾਂ ‘ਚ ਕੰਮ ਕੀਤਾ। ਇੱਕ ਵਾਰ ਫਿਰ ਉਹ ਇੰਡਸਟਰੀ ਵਿੱਚ ਵਾਪਸੀ ਕਰ ਰਹੀ ਹੈ।
ਜਪੁਜੀ ਨੂੰ ਪੰਜਾਬੀ ਪਹਿਰਾਵਾ ਜ਼ਿਆਦਾ ਪਸੰਦ
ਜਪੁਜੀ ਨੂੰ ਪੰਜਾਬੀ ਪਹਿਰਾਵਾ ਜ਼ਿਆਦਾ ਪਸੰਦ ਹੈ। ਉਸਨੂੰ ਸੂਟ ਬਹੁਤ ਪਸੰਦ ਹੈ। ਇਨ੍ਹਾਂ ‘ਤੇ ਪੰਜਾਬੀ ਰੰਗਤ ਵਧੇਰੇ ਨਜ਼ਰ ਆਉਂਦੀ ਹੈ। ਸੂਟ ‘ਚ ਉਹ ਜ਼ਿਆਦਾ ਖੂਬਸੂਰਤ ਲੱਗ ਰਹੀ ਹੈ। ਇਸੇ ਤਰ੍ਹਾਂ ਲੁਧਿਆਣਾ ਪਹੁੰਚੀ ਜਪਜੀ ਨੇ ਸੂਟ ਵਿੱਚ ਆਪਣੇ ਖੂਬਸੂਰਤ ਅੰਦਾਜ਼ ਦੇ ਜੌਹਰ ਦਿਖਾਏ। ਜਪਜੀ ਨੂੰ ਪੰਜਾਬ ਖਾਸ ਕਰਕੇ ਲੁਧਿਆਣਾ ਨਾਲ ਖਾਸ ਲਗਾਅ ਹੈ ਅਤੇ ਉਸ ਨੇ ਲੁਧਿਆਣਾ ਤੋਂ ਹੀ ਮਿਸ ਵਰਲਡ ਪੰਜਾਬਣ ਦਾ ਖਿਤਾਬ ਜਿੱਤਿਆ ਹੈ।
ਅੱਜ ਪੰਜਾਬੀ ਸਿਨੇਮਾ ਬਹੁਤ ਬਦਲ ਗਿਆ ਹੈ: ਜਪਜੀ
ਜਪਜੀ ਨੇ ਕਿਹਾ ਕਿ ਅੱਜ ਪੰਜਾਬੀ ਸਿਨੇਮਾ ਬਹੁਤ ਬਦਲ ਗਿਆ ਹੈ ਅਤੇ ਸਮੱਗਰੀ ਅਤੇ ਤਕਨਾਲੋਜੀ ਵੀ ਬਹੁਤ ਬਦਲ ਗਈ ਹੈ। ਇਸ ਸਮੇਂ ਪੰਜਾਬੀ ਸਿਨੇਮਾ ਬਹੁਤ ਬੁਲੰਦੀਆਂ ਨੂੰ ਛੂਹ ਰਿਹਾ ਹੈ। ਉਸ ਨੇ ਆਪਣੀ ਨਵੀਂ ਫ਼ਿਲਮ ਡਾਕੂਆਂ ਦਾ ਮੁੰਡਾ 2 ਬਾਰੇ ਦੱਸਿਆ ਕਿ ਉਹ ਇਸ ਫ਼ਿਲਮ ਵਿਚ ਨਸ਼ੇੜੀ ਦੀ ਪਤਨੀ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਨਸ਼ਿਆਂ ‘ਤੇ ਪੁੱਛੇ ਸਵਾਲ ਦੇ ਜਵਾਬ ‘ਚ ਉਨ੍ਹਾਂ ਕਿਹਾ ਕਿ ਹੁਣ ਲੜਕੀਆਂ ਵੀ ਨਸ਼ੇ ਕਰਨ ਲੱਗ ਪਈਆਂ ਹਨ, ਜੋ ਕਿ ਗਲਤ ਹੈ |
ਉਨ੍ਹਾਂ ਕਿਹਾ ਕਿ ਕੋਈ ਹੋਰ ਵਿਅਕਤੀ ਉਦੋਂ ਤੱਕ ਨਸ਼ਾ ਨਹੀਂ ਕਰ ਸਕਦਾ, ਜਦੋਂ ਤੱਕ ਵਿਅਕਤੀ ਖ਼ੁਦ ਇਸ ਆਦਤ ਵਿੱਚ ਨਾ ਪਵੇ। ਇਹ ਸਭ ਆਪਣੇ ਆਪ ‘ਤੇ ਨਿਰਭਰ ਕਰਦਾ ਹੈl ਉਨ੍ਹਾਂ ਕਿਹਾ ਕਿ ਕੁਦਰਤ ਨੇ ਸਾਨੂੰ ਖ਼ੂਬਸੂਰਤ ਜੀਵਨ ਬਖ਼ਸ਼ਿਆ ਹੈ ਅਤੇ ਸਾਨੂੰ ਨਸ਼ਿਆਂ ਤੋਂ ਦੂਰ ਰਹਿ ਕੇ ਖ਼ੂਬਸੂਰਤੀ ਨਾਲ ਜਿਉਣਾ ਚਾਹੀਦਾ ਹੈ। ਜੀਵਨ ਵਿੱਚ ਚੰਗੇ ਕੰਮ ਕਰਕੇ ਆਪਣੇ ਪਰਿਵਾਰ, ਸਮਾਜ ਅਤੇ ਦੇਸ਼ ਦੀ ਤਰੱਕੀ ਵਿੱਚ ਯੋਗਦਾਨ ਪਾਉਣਾ ਚਾਹੀਦਾ ਹੈ।
ਇਹ ਵੀ ਪੜੋ : ਨਵੀਂ ਫਿਲਮ ਕੋਕਾ ਪਿਆਰ ਦੀਆਂ ਨਵੀਆਂ ਉਚਾਈਆਂ ਨੂੰ ਛੂਹੇਗੀ
ਸਾਡੇ ਨਾਲ ਜੁੜੋ : Twitter Facebook youtube
SHARE
