ਇੰਡੀਆ ਨਿਊਜ਼ ;Bollywood News: ਬਾਲੀਵੁੱਡ ਦੀਆਂ ਕਈ ਅਭਿਨੇਤਰੀਆਂ ਇਸ ਸਮੇਂ ਹਾਲੀਵੁੱਡ ‘ਚ ਆਪਣੀ ਕਿਸਮਤ ਅਜ਼ਮਾ ਰਹੀਆਂ ਹਨ। ਇਨ੍ਹਾਂ ‘ਚ ਮਸ਼ਹੂਰ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼(Jacqueline Fernandez) ਦਾ ਨਾਂ ਵੀ ਸ਼ਾਮਲ ਹੈ। ਅਦਾਕਾਰਾ ਨੇ ਅੱਜ ਆਪਣੀ ਅਗਲੀ ਹਾਲੀਵੁੱਡ ਫਿਲਮ ‘ਟੇਲ ਇਟ ਲਾਈਕ ਏ ਵੂਮੈਨ'(Tell it like a Woman) ਦਾ ਪਹਿਲਾ ਪੋਸਟਰ ਸਾਂਝਾ ਕੀਤਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਸ ਦਾ ਨਿਰਦੇਸ਼ਨ ਅੱਠ ਮਹਿਲਾ ਫਿਲਮ ਨਿਰਮਾਤਾਵਾਂ ਨੇ ਕੀਤਾ ਹੈ। ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਜੈਕਲੀਨ ਨੇ ਲਿਖਿਆ ਕਿ ਉਸ ਨੂੰ ਇਸ ਪ੍ਰੋਜੈਕਟ ਦਾ ਹਿੱਸਾ ਬਣ ਕੇ ਮਾਣ ਹੈ। ਅਦਾਕਾਰਾ ਨੇ ਪੋਸਟਰ ਦੇ ਨਾਲ ਆਪਣੇ ਨਾਲ ਕੰਮ ਕਰ ਰਹੀ ਅਦਾਕਾਰਾ ਅਤੇ ਨਿਰਦੇਸ਼ਕਾਂ ਦੀ ਇੱਕ ਤਸਵੀਰ ਵੀ ਸ਼ੇਅਰ ਕੀਤੀ ਹੈ।
ਅਸਾਧਾਰਨ ਕੋਸ਼ਿਸ਼ ਦਾ ਹਿੱਸਾ ਬਣ ਕੇ ਜਤਾਇਆ ਮਾਣ : ਜੈਕਲੀਨ
ਜੈਕਲੀਨ ਨੇ ਆਪਣੇ ਇੰਸਟਾਗ੍ਰਾਮ ਤੇ ‘ਟੇਲ ਇਟ ਲਾਇਕ ਏ ਵੂਮੈਨ’ ਦਾ ਪੋਸਟਰ ਸ਼ੇਅਰ ਕਰਦੇ ਹੋਏ ਲਿਖਿਆ, ”ਮੈਨੂੰ ‘ਟੇਲ ਇਟ ਲਾਈਕ ਏ ਵੂਮੈਨ’ ਦੀ ਪੂਰੀ ਟੀਮ ਦੇ ਨਾਲ ਇਸ ਅਸਾਧਾਰਨ ਕੋਸ਼ਿਸ਼ ਦਾ ਹਿੱਸਾ ਬਣ ਕੇ ਬਹੁਤ ਮਾਣ ਹੈ। ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ਤੋਂ 8 ਮਹਿਲਾ ਨਿਰਦੇਸ਼ਕਾਂ ਦੁਆਰਾ ਨਿਰਦੇਸ਼ਿਤ ਇੱਕ ਸੰਗ੍ਰਹਿ। ਮੈਨੂੰ ਇਸ ਵਿਸ਼ੇਸ਼ ਯਾਤਰਾ ਦਾ ਹਿੱਸਾ ਬਣਾਉਣ ਲਈ ਲੀਨਾ ਯਾਦਵ ਦਾ ਧੰਨਵਾਦ। ਮੇਰੇ ਨਿਰਮਾਤਾਵਾਂ ਦਾ ਬਹੁਤ-ਬਹੁਤ ਧੰਨਵਾਦ ਜੋ ਇਸ ਸ਼ਾਨਦਾਰ ਫਿਲਮ ਦੇ ਪਿੱਛੇ ਹਨ। ਇਸ ਨੂੰ ਹੋਰ ਦੇਖਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦੀ।”
ਇਸਦੇ ਨਾਲ ਹੀ ਅਦਾਕਾਰਾ ਨੇ ਸਹਿ-ਕਲਾਕਾਰ ਅਤੇ ਨਿਰਦੇਸ਼ਕ ,ਮਾਰਗਰੀਟਾ ਬਾਈ, ਈਵਾ ਲੋਂਗੋਰੀਆ, ਕਾਰਾ ਡੇਲੇਵਿੰਗਨੇ, ਐਨੀ ਵਾਟਾਨਾਬੇ, ਜੈਨੀਫਰ ਹਡਸਨ ਅਤੇ ਮਾਰਸੀਆ ਗੇ ਹਾਰਡਨ ਦੀ ਤਸਵੀਰ ਵੀ ਸਾਂਝੀ ਕੀਤੀ ਹੈ।
ਜੈਕਲੀਨ ਨੇ 2009 ਚ ਕੀਤਾ ਸੀ ਬਾਲੀਵੁੱਡ ਡੈਬਿਊ
ਜੈਕਲੀਨ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ 2009 ਦੀ ਫਿਲਮ ਅਲਾਦੀਨ ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕੀਤਾ। 2015 ਦੀ ਬ੍ਰਿਟਿਸ਼ ਡਰਾਉਣੀ ਫਿਲਮ ਡੈਫੀਨੇਸ਼ਨ ਆਫ ਫੀਅਰ ਨਾਲ ਆਪਣੀ ਅੰਤਰਰਾਸ਼ਟਰੀ ਫਿਲਮ ਦੀ ਸ਼ੁਰੂਆਤ ਕੀਤੀ। ਹਾਲ ਹੀ ‘ਚ ਅਕਸ਼ੈ ਕੁਮਾਰ ਦੇ ਨਾਲ ਫਿਲਮ ਬੱਚਨ ਪਾਂਡੇ ‘ਚ ਦੇਖਿਆ ਗਿਆ ਸੀ, ਜਦਕਿ ਹੁਣ ਇਹ ਅਭਿਨੇਤਰੀ ਆਪਣੀ ਆਉਣ ਵਾਲੀ ਬਾਲੀਵੁੱਡ ਫਿਲਮ ਸਰਕਸ ‘ਚ ਰਣਵੀਰ ਸਿੰਘ ਦੇ ਨਾਲ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਹੱਥ ‘ਚ ਅਕਸ਼ੇ ਦਾ ਰਾਮ ਸੇਤੂ ਵੀ ਹੈ। ਇਹ ਇੱਕ ਐਕਸ਼ਨ ਐਡਵੈਂਚਰ ਫਿਲਮ ਹੋਵੇਗੀ।
ਇਹ ਵੀ ਪੜ੍ਹੋ: ਪੰਜਾਬ ਪੁਲਿਸ ਦੀ ਨਸ਼ਿਆਂ ਵਿਰੁੱਧ ਕਾਰਵਾਈ ‘ਚ 15 ਗ੍ਰਾਮ ਹੈਰੋਇਨ ਬਰਾਮਦ
ਇਹ ਵੀ ਪੜ੍ਹੋ: ਅਮਰਨਾਥ ਵਿੱਚ ਬੱਦਲ ਫਟਣ ਕਾਰਨ 16 ਲੋਕਾਂ ਦੀ ਮੌਤ
ਇਹ ਵੀ ਪੜ੍ਹੋ: ਚੰਡੀਗੜ੍ਹ ਦੇ ਕਾਰਮਲ ਕਾਨਵੈਂਟ ਸਕੂਲ ‘ਚ ਦਰੱਖਤ ਡਿੱਗਣ ਕਾਰਨ 16 ਬੱਚੇ ਜ਼ਖ਼ਮੀ 1 ਦੀ ਹੋਈ ਮੌਤ
ਇਹ ਵੀ ਪੜ੍ਹੋ: ਈਂਧਨ ਦੀ ਖਪਤ ਵਿੱਚ ਹੋਇਆ 18 ਫੀਸਦੀ ਵਾਧਾ
ਸਾਡੇ ਨਾਲ ਜੁੜੋ : Twitter Facebook youtube
SHARE
