- ਸ਼੍ਰੇਆ ਘੋਸ਼ਾਲ ਨੇ ਜਤਿੰਦਰ ਸ਼ਾਹ ਦੀ ਭਾਵੁਕ ਰਚਨਾ “ਤੇਰੇ ਬਾਜੋਂ” ਨੂੰ ਆਪਣੀ ਆਵਾਜ਼ ਦਿੱਤੀ
ਦਿਨੇਸ਼ ਮੌਦਗਿਲ, Bollywood News (Punjabi Song Tere Bajon) : ਪੰਜਾਬੀ ਸੰਗੀਤ ਅਤੇ ਫਿਲਮ ਉਦਯੋਗ ਵਿੱਚ ਆਪਣੀਆਂ ਸੰਗੀਤਕ ਰਚਨਾਵਾਂ, ਸਕ੍ਰੀਨਪਲੇਅ ਅਤੇ ਨਿਰਦੇਸ਼ਨ ਲਈ ਜਾਣੇ ਜਾਂਦੇ ਜਤਿੰਦਰ ਸ਼ਾਹ ਤੁਹਾਡੇ ਲਈ VYRL ਪੰਜਾਬੀ ਦੇ ਨਾਲ ਇੱਕ ਹੋਰ ਖੂਬਸੂਰਤ ਗੀਤ ਲੈ ਕੇ ਆਏ ਹਨ। ਬਾਲੀਵੁੱਡ ਦੀ ਮਸ਼ਹੂਰ ਗਾਇਕਾ ਸ਼੍ਰੇਆ ਘੋਸ਼ਾਲ ਦੁਆਰਾ ਗਾਇਆ ਗਿਆ ਗੀਤ “ਤੇਰੇ ਬਾਜੋਂ” ਪਹਿਲੀ ਵਾਰ ਬਾਲੀਵੁੱਡ ਦੇ ਅਦਾਕਾਰ ਪ੍ਰਤੀਕ ਬੱਬਰ ਅਤੇ ਪੰਜਾਬ ਫਿਲਮ ਇੰਡਸਟਰੀ ਦੀ ਅਦਾਕਾਰਾ ਸਿਮੀ ਚਾਹਲ ਇਕੱਠੇ ਨਜ਼ਰ ਆਉਣਗੇ। ਇਸ ਗੀਤ ਦੇ ਬੋਲ ਲੇਖਕ ਕੁਮਾਰ ਨੇ ਲਿਖੇ ਹਨ।
ਪ੍ਰੇਮੀ ਜੋੜੇ ਦਾ ਕਿਰਦਾਰ ਨਿਭਾਉਂਦੇ ਨਜਰ ਆਉਂਣਗੇ
ਇਸ ਸੰਗੀਤ ਵੀਡੀਓ ਵਿੱਚ, ਪ੍ਰਤੀਕ ਅਤੇ ਸਿਮੀ ਇੱਕ ਪ੍ਰੇਮੀ ਜੋੜੇ ਦਾ ਕਿਰਦਾਰ ਨਿਭਾਉਂਦੇ ਹਨ ਜੋ ਆਪਣੇ ਰਿਸ਼ਤੇ ਤੋਂ ਵੱਧ ਉਮੀਦਾਂ ਲਗਾਈ ਬੈਠੇ ਹਨ ਅਤੇ ਜਿਸਨੂੰ ਪਾਉਣ ਲਈ ਇੱਕ ਦੂੱਜੇ ਤੋਂ ਵੱਖ ਹੋਣ ਲਈ ਵੀ ਤਿਆਰ ਹਨ। ਪਰ ਜਿੱਥੇ ਪ੍ਰਤੀਕ ਆਪਣੀ ਜ਼ਿੰਦਗੀ ਵਿਚ ਅੱਗੇ ਵਧਣਾ ਸ਼ੁਰੂ ਕਰਦਾ ਹੈ, ਸਿਮੀ ਨੇ ਖੂਬਸੂਰਤੀ ਨਾਲ ਦਰਸਾਇਆ ਹੈ ਕਿ ਉਸ ਦੇ ਪ੍ਰੇਮੀ ਤੋਂ ਵੱਖ ਹੋਣਾ ਕਿੰਨਾ ਮੁਸ਼ਕਲ ਹੋ ਸਕਦਾ ਹੈ, ਪਰ ਉਹ ਬਦਲੇ ਵਿਚ ਆਪਣੇ ਦੋਸਤ ਪ੍ਰਤੀਕ ਨੂੰ ਪਿਆਰ ਦਾ ਆਸ਼ੀਰਵਾਦ ਦਿੰਦੀ ਹੈ। “ਟੁ ਲਵ ਇਜ਼ ਟੁ ਲੇਟ ਗੋ” ਇਸ ਗੀਤ ਦਾ ਅਸਲੀ ਸੰਦੇਸ਼ ਹੈ।
ਮੈਂ ਇਸ ਪ੍ਰੋਜੈਕਟ ਦਾ ਹਿੱਸਾ ਬਣ ਕੇ ਖੁਸ਼ ਹਾਂ : ਸ਼੍ਰੇਆ ਘੋਸ਼ਾਲ
ਗੀਤ ਬਾਰੇ ਗੱਲ ਕਰਦੇ ਹੋਏ, ਗਾਇਕਾ ਸ਼੍ਰੇਆ ਘੋਸ਼ਾਲ ਕਹਿੰਦੀ ਹੈ, “ਜਤਿੰਦਰ ਸ਼ਾਹ ਅਤੇ VYRL ਪੰਜਾਬੀ ਦੀ ਟੀਮ ਨਾਲ ਕੰਮ ਕਰਨਾ ਇੱਕ ਸ਼ਾਨਦਾਰ ਅਨੁਭਵ ਰਿਹਾ ਹੈ, ਅਤੇ ਮੈਂ ਇਸ ਪ੍ਰੋਜੈਕਟ ਦਾ ਹਿੱਸਾ ਬਣ ਕੇ ਖੁਸ਼ ਹਾਂ। “ਤੇਰੇ ਬਾਜੋਂ” ਦਾ ਇੱਕ ਪਿਆਰਾ ਅਰਥ ਅਤੇ ਇੱਕ ਡੂੰਘੀ ਲੈਅ ਹੈ ਜੋ ਤੁਹਾਡੇ ਦਿਲ ਨੂੰ ਛੂਹ ਲੈਣ ਦੀ ਸੰਭਾਵਨਾ ਰੱਖਦਾ ਹੈ, ਅਤੇ ਮੈਨੂੰ ਉਮੀਦ ਹੈ ਕਿ ਦਰਸ਼ਕ ਇਸ ਗੀਤ ਲਈ ਆਪਣਾ ਪਿਆਰ ਦਿਖਾਉਣਗੇ।”
ਮੁਹੱਬਤ ਨੂੰ ਇੱਕ ਬਹੁਤ ਹੀ ਵੱਖਰੀ ਰੋਸ਼ਨੀ ਵਿੱਚ ਦਰਸਾਇਆ ਗਿਆ : ਜਤਿੰਦਰ ਸ਼ਾਹ
ਸੰਗੀਤਕਾਰ ਅਤੇ ਨਿਰਦੇਸ਼ਕ ਜਤਿੰਦਰ ਸ਼ਾਹ ਦਾ ਕਹਿਣਾ ਹੈ, “ਤੇਰੇ ਬਾਜੋਂ” ਪਿਆਰ ਅਤੇ ਮੁਹੱਬਤ ਨੂੰ ਇੱਕ ਬਹੁਤ ਹੀ ਵੱਖਰੀ ਰੋਸ਼ਨੀ ਵਿੱਚ ਦਰਸਾਇਆ ਗਿਆ ਹੈ, ਅਤੇ ਮੈਂ ਰਚਨਾ ਦੇ ਸ਼ੁਰੂ ਤੋਂ ਹੀ ਜਾਣਦਾ ਸੀ ਕਿ ਇਹ ਗੀਤ ਸ਼੍ਰੇਆ ਦੀ ਆਵਾਜ਼ ਲਈ ਬਣਿਆ ਹੈ। ਪ੍ਰਤੀਕ ਬੱਬਰ ਅਤੇ ਸਿਮੀ ਚਾਹਲ ਨੇ ਬਹੁਤ ਵਧੀਆ ਕੰਮ ਕੀਤਾ ਹੈ, ਜੋ ਵੀਡੀਓ ਦੇ ਅੰਤਿਮ ਉਤਪਾਦ ਤੋਂ ਸਪੱਸ਼ਟ ਹੈ। ਮੈਂ ਇਹ ਸੁਣਨ ਦੀ ਉਮੀਦ ਕਰਦਾ ਹਾਂ ਕਿ ਵੀਡੀਓ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਗੀਤ ਦੇ ਪ੍ਰਸ਼ੰਸਕਾਂ ਦਾ ਕੀ ਕਹਿਣਾ ਹੈ।”
ਸਿਮੀ ਨਾਲ ਸ਼ੂਟਿੰਗ ‘ਚ ਕਾਫੀ ਮਜ਼ਾ ਆਇਆ : ਪ੍ਰਤੀਕ ਬੱਬਰ
ਇਸ ਪ੍ਰੋਜੈਕਟ ਬਾਰੇ ਪ੍ਰਤੀਕ ਬੱਬਰ ਨੇ ਕਿਹਾ ਕਿ “ਇਸ ਮਿਊਜ਼ਿਕ ਵੀਡੀਓ ‘ਤੇ ਸਾਰਿਆਂ ਨਾਲ ਕੰਮ ਕਰਨਾ ਬੇਹੱਦ ਖੁਸ਼ੀ ਦੀ ਗੱਲ ਹੈ। ਟ੍ਰੈਕ ਨੂੰ ਸ਼੍ਰੇਆ ਘੋਸ਼ਾਲ ਦੁਆਰਾ ਗਾਇਆ ਗਿਆ ਹੈ ਅਤੇ ਸੰਗੀਤ ਵੀਡੀਓ ਸ਼ਾਹ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਹੈ – ਜੋ ਹਮੇਸ਼ਾ ਆਪਣੀ ਕਹਾਣੀ-ਆਧਾਰਿਤ ਸੰਗੀਤ ਵੀਡੀਓਜ਼ ਲਈ ਜਾਣੇ ਜਾਂਦੇ ਹਨ। ਸਿਮੀ ਨਾਲ ਸ਼ੂਟਿੰਗ ‘ਚ ਕਾਫੀ ਮਜ਼ਾ ਆਇਆ। ਬਹੁਤ ਸਾਰੇ ਪ੍ਰਤਿਭਾਸ਼ਾਲੀ ਲੋਕਾਂ ਨਾਲ ਕੰਮ ਕਰਨ ਤੋਂ ਬਾਅਦ ਮੈਨੂੰ ਯਕੀਨ ਹੈ ਕਿ “ਤੇਰੇ ਬਾਜੋਂ” ਤੁਹਾਡੇ ਦਿਲਾਂ ਨੂੰ ਛੂਹ ਲਵੇਗੀ।
ਤੇਰੇ ਬਾਜੋ ਦੇ ਸੈੱਟ ‘ਤੇ ਕੰਮ ਕਰਨਾ ਇੱਕ ਸ਼ਾਨਦਾਰ ਅਨੁਭਵ : ਸਿਮੀ ਚਾਹਲ
ਪੰਜਾਬੀ ਅਦਾਕਾਰਾ ਸਿਮੀ ਚਾਹਲ ਦਾ ਕਹਿਣਾ ਹੈ, “ਫਿਲਮ ਇੰਡਸਟਰੀ ਵਿੱਚ ਕਦਮ ਰੱਖਣ ਤੋਂ ਬਾਅਦ ਇਹ ਮੇਰਾ ਪਹਿਲਾ ਸੰਗੀਤ ਵੀਡੀਓ ਹੈ ਅਤੇ ਪ੍ਰਤੀਕ, ਜਤਿੰਦਰ ਸ਼ਾਹ ਅਤੇ VYRL ਦੀ ਟੀਮ ਦੇ ਨਾਲ “ਤੇਰੇ ਬਾਜੋ” ਦੇ ਸੈੱਟ ‘ਤੇ ਕੰਮ ਕਰਨਾ ਇੱਕ ਸ਼ਾਨਦਾਰ ਅਨੁਭਵ ਰਿਹਾ ਹੈ। “ਤੇਰੇ ਬਾਜੋਂ” ਇੱਕ ਸ਼ਾਨਦਾਰ ਰਚਨਾ ਹੈ ਅਤੇ ਸ਼੍ਰੇਆ ਘੋਸ਼ਾਲ ਦੀ ਆਵਾਜ਼ ਇਸ ਨੂੰ ਹੋਰ ਵੀ ਖਾਸ ਬਣਾਉਂਦੀ ਹੈ। ਮੈਂ ਇਸ ਪ੍ਰੋਜੈਕਟ ਦਾ ਹਿੱਸਾ ਬਣ ਕੇ ਖੁਸ਼ ਹਾਂ ਅਤੇ ਉਮੀਦ ਕਰਦੀ ਹਾਂ ਕਿ ਸਾਡੇ ਸਾਰੇ ਪ੍ਰਸ਼ੰਸਕ ਇਸ ਗੀਤ ਨੂੰ ਓਨਾ ਹੀ ਪਿਆਰ ਕਰਨਗੇ ਜਿੰਨਾ ਸਾਨੂੰ ਇਸ ‘ਤੇ ਕੰਮ ਕਰਨ ਦਾ ਮਜ਼ਾ ਆਇਆ ਹੈ।
ਇਹ ਵੀ ਪੜ੍ਹੋ: ਵਿਜੇ ਦੇਵਰਕੋਂਡਾ ਅਤੇ ਅਨਨਿਆ ਪਾਂਡੇ ਦੀ ਵੀਡੀਓ ਨੇ ਜਿੱਤਆ ਦਰਸ਼ਕਾਂ ਦਾ ਦਿਲ
ਇਹ ਵੀ ਪੜ੍ਹੋ: ਦੀਆ ਔਰ ਬਾਤੀ ਹਮ ਦੀ ਅਦਾਕਾਰਾ ਕਨਿਸ਼ਕ ਸੋਨੀ ਨੇ ਖੁਦ ਨਾਲ ਕੀਤਾ ਵਿਆਹ
ਸਾਡੇ ਨਾਲ ਜੁੜੋ : Twitter Facebook youtube
SHARE
