ਇੰਡੀਆ ਨਿਊਜ਼, ਮੁੰਬਈ : ਭਾਰਤੀ ਸ਼ੇਅਰ ਬਾਜ਼ਾਰ ਦਾ ਅੱਜ ਤੀਜਾ ਦਿਨ ਰਿਹਾ, ਜਿਸ ਵਿੱਚ ਸੈਂਸੈਕਸ ਅਤੇ ਨਿਫਟੀ ਗਿਰਾਵਟ ਨਾਲ ਬੰਦ ਹੋਏ। ਦੱਸ ਦਈਏ ਕਿ ਸੈਂਸੈਕਸ 214 ਅੰਕਾਂ ਦੀ ਗਿਰਾਵਟ ਨਾਲ 54,892 ‘ਤੇ ਬੰਦ ਹੋਇਆ, ਜਦਕਿ ਨਿਫਟੀ 60 ਅੰਕ ਡਿੱਗ ਕੇ 16,356 ‘ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ, 13 ਵਿੱਚ ਵਾਧਾ ਹੋਇਆ ਅਤੇ 17 ਵਿੱਚ ਗਿਰਾਵਟ ਆਈ, ਜਿਸ ਵਿੱਚ ਐਸਬੀਆਈਐਨ, ਟਾਟਾ ਸਟੀਲ, ਮਾਰੂਤੀ, ਬਜਾਜ ਫਾਈਨਾਂਸ ਅਤੇ ਡਾ. ਰੈੱਡੀਜ਼ ਵੱਧ ਚੜ੍ਹੇ।
ਗੌਰਤਲਬ ਹੈ ਕਿ ਸੈਂਸੈਕਸ 238 ਅੰਕਾਂ ਦੇ ਵਾਧੇ ਨਾਲ 55,345 ‘ਤੇ ਅਤੇ ਨਿਫਟੀ 60 ਅੰਕਾਂ ਦੇ ਵਾਧੇ ਨਾਲ 16,474 ‘ਤੇ ਖੁੱਲ੍ਹਿਆ। ਦੂਜੇ ਪਾਸੇ ਜੇਕਰ BSE ਮਿਡਕੈਪ ਦੀ ਗੱਲ ਕਰੀਏ ਤਾਂ ਇਹ 33 ਅੰਕ ਡਿੱਗ ਕੇ 22,530 ‘ਤੇ ਅਤੇ ਸਮਾਲਕੈਪ 87 ਅੰਕ ਡਿੱਗ ਕੇ 25,978 ‘ਤੇ ਬੰਦ ਹੋਇਆ।
ਨਿਫਟੀ ਸੈਕਟਰਲ ਇੰਡੈਕਸ
ਨਿਫਟੀ ਸੈਕਟਰਲ ਇੰਡੈਕਸ ਦੇ 11 ਸੂਚਕਾਂਕ ਵਿੱਚੋਂ, 4 ਵਿੱਚ ਗਿਰਾਵਟ ਅਤੇ 7 ਵਿੱਚ ਵਾਧਾ ਦੇਖਿਆ ਗਿਆ ਹੈ। ਇਸ ‘ਚ ਬੈਂਕ 0.14 ਫੀਸਦੀ, ਫਾਈਨਾਂਸ਼ੀਅਲ ਸਰਵਿਸਿਜ਼, ਐੱਫਐੱਮਸੀਜੀ, ਪ੍ਰਾਈਵੇਟ ਬੈਂਕ ‘ਚ ਗਿਰਾਵਟ ਦਰਜ ਕੀਤੀ ਗਈ, ਜਦਕਿ ਮੈਟਲ, ਪੀਐੱਸਯੂ ਬੈਂਕ ਮੀਡੀਆ, ਆਟੋ, ਆਈਟੀ, ਫਾਰਮਾ ਅਤੇ ਰੀਅਲਟੀ ਸੂਚਕਾਂਕ ਚੜ੍ਹੇ।
ਇਹ ਵੀ ਪੜੋ : 10 ਦੇਸ਼ ਜਿਨ੍ਹਾਂ ਕੋਲ ਸਭ ਤੋਂ ਵੱਧ ਸੋਨੇ ਦਾ ਭੰਡਾਰ, ਜਾਣੋ ਭਾਰਤ ਕਿਹੜੇ ਨੰਬਰ ਤੇ
ਇਹ ਵੀ ਪੜੋ : ਚੋਟੀ ਦੀਆਂ 10 ਕੰਪਨੀਆਂ ਵਿੱਚੋਂ 4 ਦੇ ਬਾਜ਼ਾਰ ਪੂੰਜੀਕਰਣ ਵਿੱਚ ਵਾਧਾ
ਸਾਡੇ ਨਾਲ ਜੁੜੋ : Twitter Facebook youtube
SHARE
